MS9992-42 : Sentence XLII - 1248-03-29MS9992-42 : Sentence XLII - 1248-03-29

contact/reportcontacter / signaler

Latin (interpretive)

view diplomatic edition

Item. Anno et die predictis.1 Nos, fratres ordinis Predicatorum Bernardus de Caucio et Johannes de Sancto Petro, inquisitores heretice pravitatis in civitate et dyocesi Tholosana auctoritate apostolica deputati;

Quia Esclarmunda de Sauzet,de Sancta Malonia de parrochia Sancte Malonie Tholosane dyocesis, vidit et adoravit hereticos, recepit eos in domum suam, coxit eis panem, credidit eos esse bonos homines, non dixit aliis inquisitoribus veritatem, sicuta per confessionem eius factam in iudicio nobis constat;

Ipsam nunc usam saniori consilio, ad unitatem Ecclesie, prout asserit, redire volentem, in primis omni heretica pravitate abiurata, absolvimus, secundum formam Ecclesie, a vinculo excommunicationis quo ratione predicti criminis tenebatur astricta, si tamen ad ecclesiasticam unitatem de corde bono redierit et mandata sibi iniuncta compleverit. Et quia in Deum et Sanctam Ecclesiam predictis modis temere deliquit, ipsam citatam coram nobis comparentem die sibi ad recipiendam diffinitivam sententiam assignata, in perpetuum carcerem retrudi volumus et precipimus ibidem perpetuo commorari; et quod istam penitentiam compleat iniungimus ei in virtute prestiti iuramenti. Si vero predictam penitentiam facere noluerit, ipsam excommunicationis vinculo innodamus.

Actum in dicto loco, in presentia predictorum.

EnglishAnglais

(Translation forthcoming...)(Traduction à paraître...)