Sentence 42 - 1248-03-29

Document Identifier: MS9992-42

How to cite: Jean-Paul Rehr, Sentences following the “Great Inquisition” at Toulouse, 1246-48: Edition of Paris, BnF, ms. Latin 9992 (doc ID MS9992-42 ), https://medieval-inquisition.huma-num.fr/documents/MS9992-42, 2018-2023, accessed: 2024-03-18

Edition

Transcriptions:

Célestin Douais, Documents pour servir à l’histoire de l’inquisition dans le Languedoc. 2 vol. (Paris: Librarie Renouard, 1900): Vol 2, 81

Status: Last revised 2023-08-20

Interpretive
Diplomatic

Item. Anno et die predictis.¹ Nos, fratres ordinis Predicatorum B[ernardus] de Caucio et Johannes de Sancto Petro, inquisitores heretice pravitatis in civitate et dyocesi Tholosana auctoritate apostolica deputati;

Quia Esclarmunda de Sauzet, de parrochia Sancte Malonie Tholosane dyocesis, vidit et adoravit hereticos, recepit eos in domum suam, coxit eis panem, credidit eos esse bonos homines, non dixit aliis inquisitoribus veritatem, sicut^a per confessionem eius factam in iudicio nobis constat;

Ipsam nunc usam saniori consilio, ad unitatem Ecclesie, prout asserit, redire volentem, in primis omni heretica pravitate abiurata, absolvimus, secundum formam Ecclesie, a vinculo excommunicationis quo ratione predicti criminis tenebatur astricta, si tamen ad ecclesiasticam unitatem de corde bono redierit et mandata sibi iniuncta compleverit. Et quia in Deum et Sanctam Ecclesiam predictis modis temere deliquit, ipsam citatam coram nobis comparentem die sibi ad recipiendam diffinitivam sententiam [assignata], in perpetuum carcerem retrudi volumus et precipimus ibidem perpetuo commorari; et quod istam penitentiam compleat iniungimus ei in virtute prestiti juramenti. Si vero predictam penitentiam facere noluerit, ipsam excommunicationis vinculo innodamus.

Actum in dicto loco, in presentia predictorum.

^ams. nunc

¹ 1248-03-29 (?) per MS9992-41.

| § | | l°10 | Item. Anno et die predictis.¹ Nos, fratres ordinis Predicatorum B[ernardus] de Caucio et Johannes de Sancto Petro, inquisitores heretice | l°11 | pravitatis in civitate et dyocesi Tholosana auctoritate apostolica deputati; | § | Quia Esclarmunda de Sau | l°12 | zet, de parrochia Sancte Malonie Tholosane dyocesis, vidit et adoravit hereticos, recepit eos in domum suam, | l°13 | coxit eis panem, credidit eos esse bonos homines, non dixit aliis inquisitoribus veritatem, sicut^a per confessionem | l°14 | eius factam in iudicio nobis constat; | § | Ipsam nunc usam saniori consilio, ad unitatem Ecclesie, prout asserit, | l°15 | redire volentem, in primis omni heretica pravitate abiurata, absolvimus, secundum formam Ecclesie, | l°16 | a vinculo excommunicationis quo ratione predicti criminis tenebatur astricta, si tamen ad ecclesiasticam unitatem | l°17 | de corde bono redierit et mandata sibi iniuncta compleverit. Et quia in Deum et Sanctam Ecclesiam predictis m | l°18 | odis temere deliquit, ipsam citatam coram nobis comparentem die sibi ad recipiendam diffinitivam | l°19 | sententiam [assignata], in perpetuum carcerem retrudi volumus et precipimus ibidem perpetuo commorari; et quod istam | l°20 | penitentiam compleat iniungimus ei in virtute prestiti juramenti. Si vero predictam penitentiam facere no | l°21 | luerit, ipsam excommunicationis vinculo innodamus. | § | Actum in dicto loco, in presentia predictorum.