MS9992-38 : Sentence XXXVIII - 1248-03-15MS9992-38 : Sentence XXXVIII - 1248-03-15

contact/reportcontacter / signaler

Latin (interpretive)

view diplomatic edition

Item. In nomine Domini nostri Jhesu Christi crucifixi. Amen. Anno quo supra, Idus Marcii.1 Nos, fratres predicti et cetera .

Quia constatde Lantario
de Sancto Anatholio
de Sancta Malonia
nobis per confessiones in iudicio factas Bernardi de Godervilla de Lantario baiuli quondam ; W. Bernardi Unaudi2, et W. de Vilaris de Sancto Anatholio; et Durandi Daury de parrochia Sancta Malonia3 Tholosane diocesis;

Quod prenominatus Bernard de Godervilla vidit hereticos et adoravit eos multociens, servivit eos, misit eis victualia, audivit predicationem eorum, credidit eorum erroribus et relapsus est in heresim abiuratam;

Prenominatus etiam W. de Vilars vidit in pluribus locis hereticos et adoravit eos, audivit predicationem eorum et credidit hereticos esse bonos homines et habere bonam fidem et negavit veritatem contra proprium iuramentum;

Item. Prenominatus etiam Durandus Daury stetit cum heriticis per unum annum et adoravit eos multociens, comedit cum eis, predicationem eorum audivit, associavit eos et credidit hereticos esse bonos homines et habere bonam fidem et quod posset salvari per ipsos; et ipsi legitime citati ad recipiendam penitentiam super premissis, in assignata sibi die non comparuerint coram nobis;

Quia etiam Raimundus de Syolh et Arnaldus Guerrerii de Tholosa, carceri deputati ad penitentiam pro heresi peragendam, neglegto proprio iuramento, sine licentia Ecclesie carcerem exierunt, in suarum perditionem animarum, et diutius expectati [F°12r]  CLXIet legitime citati in assignatis sibi diebus non comparuerint coram nobis;

Prenominatis omnibus die ad audiendam diffinitivam sententiam super crimine heresis peremptorie assignata, et aliis rite actis, communicato multorum prolatorum  et aliorum bonorum virorum consilio, ipsos legitime citatos, set per contumaciam absentes, tanquam hereticos condempnamus, et bona ipsorum decernimus occupanda.

Actum Tholose, in claustro Sancti Saturnini, in presentia abbatis eiusdem loci; et prioris eiusdem loci; Stephani, archipresbyteri de Lauraco; Amelii, capellani Sancti Stephani; R., capellani de Villa Nova; Petri Ariberti; et multorum aliorum in generali sermone.

EnglishAnglais

(Translation forthcoming...)(Traduction à paraître...)