MS9992-17 : Sentence XVII - 1246-08-11MS9992-17 : Sentence XVII - 1246-08-11

contact/reportcontacter / signaler

Latin (interpretive)

view diplomatic edition

Item. In nomine Domini nostri Jhesu Christi crucifixi. Amen. Anno Domini M°CC°XL VII°, III° Idus Augusti.1 Nos, fratres Ordinis Predicatorum Bernardus de Caucio et Johannes de Sancto Petro, inquisitores heretice pravitatis in civitate et dyocesi Tholosana auctoritate apostolica deputati:

Quia de Lauracoconstat nobis per confessiones in iudicio factas Poncii de Turre iuvenis, filii quondam Rogerii de Turre , et Sicardi de Bello Forti vel de Insula, de Lauraco, Tholosane diocesis;

Quod prenominatus Poncius  vidit et adoravit multociens hereticos, predicationem eorum audivit, comedit cum eis, credidit eos esse bonos homines, et negavit veritatem coram nobis contra proprium iuramentum;

Prenominatus etiam Cicardus vidit et adoravit multociens hereticos, predicationern eorum audivit, dedit eis de suo, comedit de pane ab eis benedicto, receptavit eos, credidit  eos esse bonos homines et relapsus est in heresim abiuratam;

Ipsos, nunc usos saniori consilio ad unitatem Ecclesie, prout asserunt, redire volentes, in primis omni heretica pravitate abiurata, absolvimus, secundum formam Ecclesie, a vinculo excommunicationis quo ratione predicti criminis tenebantur astricti, si tamen ad ecclesiasticam unitatem de corde bono redierint et mandata sibi iniuncta compleverint. Et quia in Deum et Sanctam Ecclesiam predictis modis temere deliquerunt, ipsos legitime citatos coram nobis comparentes die sibi ad recipiendam penitentiam super crimine heresis assignata peremptorie, et aliis rite actis, communicato multorum prelatorum et aliorum bonorum virorum consilio, ad peragendam condignam penitentiam in perpetuum carcerem retrudi volumus et precipimus ibidem perpetuo commorari; et quod istam penitentiam compleant, iniungimus eis in virtute prestiti iuramenti. Si vero predictam penitentiam facere noluerint, ipsos excommunicationis vinculo innodamus.

Actum apud Tholosam, in claustro Sancti Saturnini, in presentia Arnaldi, prioris; R. de Vernaus, P. de Drudas, canonicorum; W., capellani de Manso; magistri Petri, archipresbyteri de Caramanno;  {   } , archipresbyteri de Monte Astrug; Raimundi, capellani Beate Marie Deaurate; Fortis, capellani Sancti Saturnini; Petri Ariberti; et multorum aliorum.

EnglishAnglais

(Translation forthcoming...)(Traduction à paraître...)