MS9992-08 : Sentence VIII - 1246-05-20MS9992-08 : Sentence VIII - 1246-05-20

contact/reportcontacter / signaler

Latin (interpretive)

view diplomatic edition

 [F°5r]  CLIII Item. In nomine Domini nostri Jhesu Christi crucifixi. Amen. Anno Domini M°CC°XL VI°, III° Nonas iunii.1 Nos, fratres Ordinis Predicatorum Bernardusde Caucio et Johannes de Sancto Petro, inquisitores heretice pravitatis in civitate et diocesi Tholosana auctoritate apostolica deputati;

Quia constat nobis per confessiones de Cabanil
de Besseta
de Cassio
de Sancto Paulo de Bretas
de Monte Iovis
in iudicio factas Petri Bruni de Cabanili2, P. Passamar de Besseta et Petri Bofilh de Cassio, Petri Duranti de Sancto Paulo de Bretas3 et Arnaldi Doaiss de Monte Iovis, diocesis Tholose;

Quod prenominatus Petrus Bruni de Cabanili vidit et adoravit pluries hereticos et in pluribus locis, credidit hereticos esse bonos homines et celavit veritatem contra proprium iuramentum; 

Item. Prenominatus etiam P. Passamar de Besceta vidit et adoravit pluries hereticos et in pluribus locis predicationem eorum audivit, pluries comedit cum hereticis et de pane benedicto ab eis pluries, recepit encennia ab hereticis, hereticationi interfuit, dilexit hereticos et credidit eos esse bonos homines, et negavit veritatem  contra proprium iuramentum;

Item. Prenorninatus etiam P. Bofilh vidit et adoravit pluries hereticos, stetit cum hereticis, audivit predicationem eorum, pluries comedit cum eis et de pane benedicto ab eis, credidit hereticis et eorum erroribus, et negavit veritatem contra proprium iuramentum;

Item. Prenominatus etiam P. Duranti vidit et adoravit pluries hereticos et in pluribus locis, et audivit predicationem eorum, credidit hereticos esse bonos homines, fecit condictum de non revelando heresim, et relapsus est in heresim abiuratam;

Item. Prenominatus etiam Arnaldus Doaiss vidit et adoravit pluries hereticos, et in pluribus locis predicationem eorum audivit, receptavit eos in domum suam, comedit cum hereticis et de pane bene dicto ab eis, dedit eis de suo, credidit esse bonos homines, negavit veritatem contra proprium iuramentum:

Ipsos, nunc usos saniori consilio ad unitatem Ecclesie, prout asserunt, redire volentes, in primis omni here tica pravitate abiurata, absolvimus, secundum formam Ecclesie, a vinculo excommunicationis quo ratione predicti criminis tenebantur astricti, si tamen ad ecclesiasticam unitatem de corde bono redierint et manda ta sibi iniuncta compleverint. Et quia in Deum et Sanctam Ecclesiam predictis modis temere deliquerunt, ipsos coram nobis comparentes legitime citatos die sibi ad recipiendam penitentiam super crimine heresis peremptorie assignata, communicato multorum prelatorum et aliorum bonorum virorum consilio, ad peragendam condignam penitentiam in perpetuum carcerem retrudi volumus et precipimus ibidem perpetuo comorari; et quod istam penitentiam compleant, iniungimus eis in virtute prestiti iuramenti. Si vero predictam penitentiam facere noluerint, ipsos excommunicationis vinculo innodamus.

Actum Tholose, in claustro Sancti Saturnini, in presentia Arnaldi, prioris Sancti Saturnini; Petri de Drudas, Arnaldi Begonis, Poncii, camerarii, canonicorum Sancti Saturnini; Bernardi, capellani de Ladinhaco; F., capellani de Rupe; Raimundi, capellani Dealbate; Fortis, capellani Sancti Saturnini; Raimundi, capellani Deaurate; Bernadi, prioris de Vauro; R., capellani de Fano Jovis; Bertrandi de Villa Nova, W. Hugonis, Raimundi Rainerii, capitulariorum Tholose; et multorum aliorum de clero, et cetera.

EnglishAnglais

(Translation forthcoming...)(Traduction à paraître...)