de Heresi: Documents of the Medieval Inquisition in the Midi
Sentence 07 - 1246-05-28
Edition
- Célestin Douais, Documents pour servir à l’histoire de l’inquisition dans le Languedoc. 2 vol. (Paris: Librarie Renouard, 1900): Vol 2, 20-24
Item. In nomine Domini nostri Jhesu Christi crucifixi, amen. Anno Domini MoCCo XLo VIo V Kalendas Junii.1 Nos, fratres Ordinis Predicatorum B[ernardus] de Caucio et Johannes de Sancto Petro, inquisitores heretice pravitatis in civitate et diocesi Tholosana auctoritate apostolica deputati;
Quia constat nobis per confessiones in judicio factas Estolti de Roco Villa et domini Tres Eminas de Monte Guiscardo, Bernardi de Rocovilla de Cassio, Poncii Saquit de Lantario, Petri Babau, W. Maurini, P. Bernardi et Bernardi Furnerii, de Berrelis diocesis Tholose;
Item. Quod prenominatus Estoltus de Roco Villa vidit et adoravit pluries hereticos, dedit eis, recepit ab eis munera, duxit et recepit eos in domum suam, hereticationibus interfuit, credidit hereticis et eorum erroribus, et post confessionem factam aliis inquisitoribus et abiuratam heresim vidit hereticos et locutus est cum eis et non cepit eos sicut juraverat;
Item. Prenominatus etiam Tres Eminas vidit et adoravit hereticos pluries, credidit esse bonos homines, comedit cum eis, pacem ab eis accepit, hereticationi interfuit, veritatem negavit coram nobis contra proprim juramentum, et post abiuratam heresim vidit scienter hereticum condempnatum et comedit cum eo;
Item. Prenominatus etiam Bernardus de Rocovilla vidit et adoravit pluries hereticos, duxit et associavit eos, dedit eis et recepit ab eis munera, comedit cum eis, predicationem eorum audivit, credidit esse bonos homines, recepit eos in domum suam et negavit tempore gratie inquisitoribus veritatem;
Item. Prenominatus autem Poncius Saquit vidit et adoravit pluries hereticos, duxit et receptavit eos pluries, apparellamentis et hereticationibus interfuit, credidit hereticis et eorum erroribus, et fuit nutritus cum eis, et postquam abiuravit heresim aliis inquisitoribus, vidit duas hereticas in domo sua, celavit eas a paucis annis citra et non cepit eas, sicut tenebatur proprio juramento;
Item. Prenominatus etiam P[etrus] Babau vidit et adoravit hereticos, audivit predicationem eorum, fecit condictum de non revelando heresim, negavit scienter coram nobis veritatem et eandem celavit aliis inquisitoribus contra proprium juramentum;
Item. Prenominatus etiam W. Maurin vidit et adoravit hereticos, negavit veritatem coram nobis et eandem celavit aliis inquisitoribus contra proprium juramentum;
Item. Prenominati etiam P. Bernardi et B[ernardus] Furnerii viderunt et adoraverunt hereticos, fecerunt condictum de non revelando heresim, negaverunt scienter coram nobis veritatem et eandem celaverunt aliis inquisitoribus contra proprium juramentum;
Ipsos, nunc usos saniori consilio ad unitatem Ecclesie, prout asserunt, redire volentes, in primis omni heretica pravitate abiurata, absolvimus, secundum formam Ecclesie, a vinculo excommunicationis quo ratione predicti criminis tenebantur astricti, si tamen ad ecclesiasticam unitatem de corde bono redierint et mandata sibi iniuncta compleverint; et quia in Deum et Sanctam Ecclesiam predictis modis temere deliquerunt, ipsos coram nobis comparentes legitime citatos die sibi ad recipiendam penitentiam super crimine heresis peremptorie assignata, communicato multorum prelatorum et aliorum bonorum virorum consilio, ad peragendam condignam penitentiam in perpetuum carcerem retrudi volumus et precipimus ibidem perpetuo comorari; et quod istam penitentiam compleant, iniungimus eis in virtute prestiti juramenti. Si vero predictam penitentiam facere noluerint, ipsos excommunicationis vinculo innodamus.
Actum Tholose, in claustro Sancti Saturnini, in presentia A[rnaldi] prioris Sancti Saturnini; W[illelmi] R[aimundi] ; A[rnaldi] Begonis; Simonis, prioris de Blanhaco; P[etri] de Drudas, canonicorum Sancti Saturnini; F[ortis], capellani Sancti Saturnini; R[aimundi], capellani Deaurate; W., capellani de Coquinis; B[ernardi], capellani de Ladinhaco; R[aimundi] Berengerii; R[aimundi] Rainerii; R[aimundi] de Sancto Cezerto, capitulariorum Tholose; et multorum aliorum de clero et populo Tholosano, in generali sermone; et mei P[etri] Ariberti, publici notarii, qui hec scripsi.
- 1 1246-05-28.
- 1 1246-05-28.
Document
Click to view images
- Source: BnF ms. Latin 9992
- Shelfmark: 4v
- Date: 1246-05-28
- Group: Bereilles, Lanta, Les Cassés, Montgiscard
Highlight document features
Click on a name to highlight; click again to remove, or clear all highlights.
- Arnaut Auriol, prior of Saint-Sernin
- Arnaut Begoun, canon of Saint-Sernin, prior of Grisolles
- Bernart de Caux, OP
- Bernart de Roqueville
- Bernart Fornier
- Estou de Roqueville
- Fortz, chaplain of Saint-Sernin
- Guilhem Mauri
- Guilhem Raimon, canon of Saint-Sernin
- Guilhem, chaplain of Saint-Pierre de Cuisines
- Peire Babau
- Peire Bernart
- Peire de Drudas, canon of Saint-Sernin
- Peire Guilhem de Roqueville (‘Tres Eminas’)
- Pons Saquet
- Raimon Berenguier
- Raimon de Saint-Sesert
- Raimon Ferrier, chaplain of Sainte-Marie la Daurade
- Raimon Ranier
- Research in progress: bernart_chap_ladinhac
- Research in progress: joan_de_saint-peire_op
- Research in progress: peire_aribert_not
- Simon, prior of Blagnac
Documents in this collectionDocuments dans cette collection
Download this document asTélécharger le fichier de ce document au format:
Cet edition est mise à disposition selon les termes de la Licence Creative Commons Attribution - Pas d’Utilisation Commerciale - Partage dans les Mêmes Conditions 4.0 International.This edition is made available for use under the Creative Commons Attribution-NonCommercial-ShareAlike 4.0 International License.
