MS9992-06 : Sentence VI - 1246-05-20MS9992-06 : Sentence VI - 1246-05-20

contact/reportcontacter / signaler

Latin (interpretive)

view diplomatic edition

In nomine Domini nostri Jhesu Christi crucifixi. Amen. Anno Domini M°CC°XL VI°, XIII° Kalendas Iunii.1 Nos, fratres Ordinis Predicatorum Bernardus de Caucio et Johannes de Sancto Petro, inquisitores heretice pravitatis in civitate et diocesi Tholosana auctoritate apostolica deputati;

Quia constat nobis per confessiones in iudicio factas Arnaldi Stephani, domini de Taravello de Taravello
de Cargodanis diocese Tholose
, et Willelme de Vivariis, diocesis Tholosane;

Quod prenominatus Arnaldus Stephani, dominus de Taravello , vidit pluries hereticos et in pluribus locis, adoravit eos pluries, audivit predicationem eorum, pacem accepit ab eis, do navit et recepit ab eis, et duxit pluries hereticos et tenuit depositum eorum, comedit cum hereticis et de pane benedicto ab eis, hereticationibus interfuit, credidit hereticis et eorum erroribus, et relapsus est in heresim abiuratam;

Item. Constat etiam nobis quod Willelma de Vivariis fuit heretica induta per tres annos et, post reconciliationem suam, vidit hereticos et adoravit eos pluries in domo sua;

Ipsos, nunc usos saniori consilio ad unitatem Ecclesie, prout asserunt, redire volentes, in primis omni heretica pravitate abiurata, absolvimus, secundum  formam Ecclesie, a vinculo excommunicationis quo ratione predicti criminis tenebantur astricti, si tamen ad ecclesiasticam uni tatem de corde bono redierint et mandata sibi iniuncta compleverint. Et quia in Deum et Sanctam Ecclesiam predictis modis temere deliquerunt, ipsos coram nobis comparentes legitime citatos die sibi ad recipiendam penitentiam super crimine heresis peremptorie assignata, communicato multorum prelatorum et aliorum bonorum virorum consilio, ad peragendam condignam penitentiam in perpetuum carcerem retrudi volumus et precipimus ibidem perpetuo comorari; et quod istam penitentiam compleant iniungimus eis in virtute prestiti iuramenti. Si vero predictam penitentiam facere noluerint, ipsos excommunicationis vinculo innodamus.

Actum in claustro Sancti Saturnini, in presentia B. de Combret, prepositi Sancte Cecilie Albiensis; Arnaldi, prioris Sancti Saturnini; Willelmi Raimundi; Petri de Drudas, canonicorum [F°4v]   Sancti Saturnini; Bernardi, prioris de Vauro; Silvestri, capellani de Viridifolio; Fortis, capellani Sancti Saturnini; Amelii, capellani Sancti Stephani; Bernardi, capellani de Ladinhaco; W. Hugonis Pellicerii; Raimundi Rainerii, capitulariorum Tholose; et multorum aliorum de clero et populo Tholosano in generali sermone.

EnglishAnglais

(Translation forthcoming...)(Traduction à paraître...)