de Heresi: Documents of the Medieval Inquisition in the Midi
Sentence 03 - 1246-05-06
Edition
- Célestin Douais, Documents pour servir à l’histoire de l’inquisition dans le Languedoc. 2 vol. (Paris: Librarie Renouard, 1900): Vol 2, 8-10
- unknown bibliographic reference key: Wakefield_1974a: 238-239
Item. In nomine Domini nostri Jhesu Christi crucifixi. Amen. Anno M°CC°XL Sexto, II Nonas Maii.1 Nos, fratres Ordinis Predicatorum B[ernardus] de Caucio et Johannes de Sancto Petro, inquisitores heretice pravitatis in civitate et diocesi Tholosana auctoritate apostolica deputati.
Quia constat nobis per confessiones Poncii Bladerii, Petri de Albigesio et Raimundi Sabbaterii, in judicio factas, ipsos hereticos pluries scienter vidisse, pluries adorasse, eorum predicationem audivisse, et eos bonos homines credidisse, celasse veritatem contra proprium juramentum et relapsus [esse] in heresim abjuratam;
Item. Constat etiam nobis quod Poncius Dominici vidit pluries hereticos in pluribus locis, credidit esse bonos homines, audivit predicationem eorum, adoravit eos, pluries receptavit eos in domum suam, dedit eis de suo, interfuit hereticationi, comedit cum hereticis et, postquam fecit confessionem suam aliis inquisitoribus et abjuravit heresim, recepit hereticos in domum suam a paucis annis citra;
Quia etaim Raimundus Maurini et Arnalda, uxor eius, viderunt scienter pluries plures hereticos, et in pluribus locis, crediderunt esse bonos homines, audierunt predicationem eorum, et adoraverunt eos, et receperunt eos in domum suam, et comederunt com eis; et idem Raimundus duxit eos, et accepit pacem ab hereticis et negavit veritatem contra proprium iuramentum; dicta vero Arnalda interfuit aparellamento hereticorum, receptavit hereticam que obiit in domo sua, interfuit sepulture eius;
Ipsos cives Tholosanos, nunc usos saniori consilio ad unitatem Ecclesie, prout asserunt, redire volentes, in primis omni heretica pravitate abjurata, absolvimus, secundum formam Ecclesie, a vinculo excommunicationis quo ratione predicti criminis tenebantur astricti, si tamen ad ecclesiasticam unitatem de corde bono redierint et mandata sibi iniuncta compleverint. Et quia in Deum et Sanctam Ecclesiam predictis modis temere deliquerunt, ipsos coram nobis comparentes legitime citatos die sibi ad recipiendam penitentiam super crimine heresis peremptorie assignata, communicato multorum prelatorum et aliorum bonorum virorum consilio, ad peragendam condignam penitentiam in perpetuum carcerem retrudi volumus | f°3r | et precipimus ibidem perpetuo comorari; et quod istam penitentiam compleant, iniungimus eis in virtute prestit iuramenti. Si vero predictam penitentiam facere noluerint, ipsos excommunicationis vinculo innodamus. Damus tamen licenciam Raimondo Sabbaterii quod maneat cum patre suo, qui valitudinarius est et Catholicus et pauper, ut dicitur, quamdiu vixerit pater suus, et interim portet mantam nigram et crucem in omni veste cum duobus brachiis transversalibus, et provideat sicut poterit patri suo.
Actum Tholose, in claustro Sancti Saturnini, in presentia W. Bernardi, abbatis d'Idrac; Arnaldi Aurioli, prioris Sancti Saturnini; Poncii de Albione, Petri de Drudas, canonicorum Sancti Saturnini; Petri, prioris de Caslus Caturcensis diocesis; W., capellani de Manso Sanctarum Puellarum; Arnaldi de Brassaco, capellani de Besceta; R[aimundi] Berengarii, et Bernardi d'Escalquenx, capitulariorum; P[etri] Ariberti, P. de Montbiza et Bernardi de Gaus, scriptorum inquisitoruma .
- a ms. scriptor inquisitorum
- 1 1246-05-06.
- a ms. scriptor inquisitorum
- 1 1246-05-06.
Document
Click to view images
- Source: BnF ms. Latin 9992
- Shelfmark: 2v-3r
- Date: 1246-05-06
- Group: Toulouse
Highlight document features
Click on a name to highlight; click again to remove, or clear all highlights.
- Arnauda Mauri
- Arnaut Auriol, prior of Saint-Sernin
- Arnaut de Brassac, chaplain of Labécède
- Bernart de Caux, OP
- Bernart Escalquens
- father of Raimund
- Guilhem Bernart, abbot of Idrac
- Guilhem, chaplain of Mas-Saintes-Puelles
- Peire de Albigeois
- Peire de Drudas, canon of Saint-Sernin
- Peire de Montbiza
- Peire, prior of Caylus
- Pons Blader
- Pons de Albione, canon of Saint-Sernin
- Pons Dominic
- Raimon Berenguier
- Raimon Maurin
- Raimon Sabbatier
- Research in progress: bernart_de_gaus_not
- Research in progress: joan_de_saint-peire_op
- Research in progress: peire_aribert_not
Documents in this collectionDocuments dans cette collection
Download this document asTélécharger le fichier de ce document au format:
Cet edition est mise à disposition selon les termes de la Licence Creative Commons Attribution - Pas d’Utilisation Commerciale - Partage dans les Mêmes Conditions 4.0 International.This edition is made available for use under the Creative Commons Attribution-NonCommercial-ShareAlike 4.0 International License.
