de Heresi: Documents of the Medieval Inquisition in the Midi
Sentence 02 - 1246-03-25
Edition
- Célestin Douais, Documents pour servir à l’histoire de l’inquisition dans le Languedoc. 2 vol. (Paris: Librarie Renouard, 1900): Vol 2, 3-8
In nomine Domini nostri crucifixi, amen. Anno Domini MoCCoXL Vo VIII Kalendas Aprilis1. Nos, fratres Ordinis Predicatorum B[ernardus] de Caucio et Johannes de Sancto Petro, inquisitores heretice pravitatis in civitate et diocesi Tholosana auctoritate apostolica deputati.
Quia constat nobis per confessionesa Austorge, uxoris quondam Petri de Resengas , Raimundi Gausberti et Arnaldi Guerrer de Tholosa, Augerii de Viridi Folio, militis , Bernardi Donati, Bernardi de Sancto Johanne et Raimundi Calveti de Viridi Folio, Jacobi de Odarcio, Bernardi Daide de Sancto Aniano, Arnaldi Dorbert de Lantario, in judicio factasb, ipsos hereticos pluries scienter vidisse, adorasse et eorum erroribus credidisse et, post abjuratam heresim, hereticos vidisse et eos adorasse. Nunc vero saniori usos consilio ad unitatem Ecclesie, prout asserunt, redire volentes, ipsos in primis omni heretica pravitate abjurata absolvimus, secundum formam Ecclesie, a viniculo excommunicationis quo ratione predicti criminis tenebantur astricti, si <tamen> ad ecclesiasticam unitatem de corde bono redierint et mandata sibi injuncta compleverint. Et quia in Deum et in Sanctam Ecclesiam predictis modis temere deliquerunt, ipsos legitime citatos, die sibi ad recipiendum penitentiam super crimine heresis peremptorie assignata, communicato multorum prelatorum et aliorum bonorum virorum consilio, ad peragendam condignam penitentiam in perpetuum carcerem ipsos retrudi volumus et precipimus ibidem perpetuo comorari; et quod istam penitentiam compleant injungimus eis in virtute prestiti juramenti. Si vero predictam penitentiam facere noluerint, ipsos excommunicationis vinculo innodamus.
Item. Cum etiam constet nobis per confessiones Austorge, uxoris quondam den Vaseia , Raimunde Barraue et Aiceline sororumc , Willelmi Mercaderii de Tholosa , Hugonis de Canela et Raimundi de Canela de Lantario , in judicio factas, ipsos hereticos pluries vidisse, credidisse et adorasse, et post abjuratam heresim scienter hereticos vidisse et celasse.
Item. Cum etiam constet nobis per confessiones B. Fabri, specier , Pictavini senioris, Raimundi de Suelh de Tholosa , Bernardi de Lantario, Petrone Escudeira et Ramundi de Vilanova de Tholosa, Raimundi Sauri, Poncii de Fa, Poncii Pastre, Petri dels Cabanils , Willelmi dels Cabanils et Bernardi Johannis de Sancto Juliano, Willelmi Stephani de Gaure, in judicio factas, ipsos hereticos pluries vidisse et eos adorasse et veritatem super heresi celasse contra proprium juramentum, communicato multorum prelatorum et aliorom bonorum virorum consilio, ipsos in carcere retrudi volumnus et injungimus, quamdiu Ecclesie videbitur expedire, ad penitentiam pro dicto crimine peragendam.2
Item. Cum constet nobis per confessionem Titborxs uxoris Poncii de Gamevila de Tholosa , in judicio factam, ipsam hereticos pluries scienter vidisse, | f°2v | adorasse et receptasse, pavisse, celasse, conduci fecisse, et post confessionem de heresi factam et heresim abjuratam coram inquisitoribus, ipsam hereticos in domo sua a paucis annis citra scienter vidisse, ascultasse et eos celasse, communicato multorum prelatorum et aliorum bonorum virorum consilio, injungimus eidem invirtute prestiti juramenti, quod intret domum carceris, ibidem per XV annos moratura, ad penitentiam pro crimine heresis peragendam.
Item. Cum constet nobis per confessiones Vitalis de Salas et Fabrisse, uxoris Petri Marchesii, de Tholosa, in judicio factas, ipsos hereticos pluries vidisse, adorasse et credidisse bonos homines;
Constet etiam nobis per confessionem W. Arcmandi, de Tholosa, in judicio factam, ipsum a paucis annis citra hereticos vidisse, credidisse et celasse;
Constet etiam nobis per confessiones Raimundi de Podio, Bernardi Durandi, Bernardi de Ecclesia, de Hodarcio, in judicio factas, ipsos hereticos scienter pluries vidisse, adorasse, credidisse a paucis annis citra, communicato multorum prelatorum et aliorum proborum virorum consilio, injungimus eisdem in virtute prestiti juramenti quod intrent domum carceris, ibidem per 10 annos moraturi, ad penitentiam pro crimine heresis peragendam, retenta nobis et aliis inquisitoribus potestate augendi, diminuendi, mutandi et aliam penitentiam injungendi, cum nobis vel aliis inquisitoribus videbitur expedire.
Actum apud Tholosam, in claustro Sancti Saturnini, in presentia venerabilis patris R[aimundi], episcopi Tholosani; Guillelmi Athonis, archidiaconi Ville Longe; Arnaldi, prioris Sancti Saturnini; magistri Arnaldi Pelisso; Vitalis Aurioli, prioris Sancti Stephani; Raimundi Carrigerii, sacriste Sancti Stephani; et fratris Johannis de Cambalhols, notarii domini episcopi Tholosani; magistri Athonis Appamiarum; Willelmi Raimundi; Petri de Drudas, canonicorum; Poncii de Avinione, canonici; Fortis, capellani Sancti Saturnini; Raimundi, capellani Beate Marie Deaurate; B[ernardi] de Ladinhac et Nepotis de Davinia, B[ernardi] de Gaurs, P[etri] Frezapa, P[etri] Ariberti, scriptorum dictorum inquisitorum; B[ernardi], prioris de Vauro; et Silvestri, capellani de Viridi Folio.
- a ms. confessionem
- b ms. factis
- c ms. sorores
- 1 1246-03-25.
- 2 cf. MS9992-38-6 .
- a ms. confessionem
- b ms. factis
- c ms. sorores
- 1 1246-03-25.
- 2 cf. MS9992-38-6 .
Document
Click to view images
- Source: BnF ms. Latin 9992
- Shelfmark: 2r-2v
- Date: 1246-03-25
- Group: Guaré, Lanta, Odars, Saint-Agnan, Saint-Julia, Toulouse, Verfeil
Highlight document features
Click on a name to highlight; click again to remove, or clear all highlights.
- Ado Pamiers, magister
- Arnaut Auriol, prior of Saint-Sernin
- Arnaut de Orbert
- Arnaut Guerrer
- Arnaut Pelhisson, magister
- Auger de Verfeil
- Austorga de Rosengue
- Austorga, wife of Vasega
- Aycelina Barrau
- Bernart Daydé
- Bernart de Caux, OP
- Bernart de Gleira
- Bernart de Lanta
- Bernart de Saint-Jean
- Bernart Donat
- Bernart Durand
- Bernart Faure
- Bernart Johan
- Bernart, prior of Lavaur
- en Baziège
- Fauressa Marques
- Fortz, chaplain of Saint-Sernin
- Guilhem Ado, archdeacon of Villelongue
- Guilhem Arcmandi
- Guilhem du Cabanial
- Guilhem Esteve
- Guilhem Mercader
- Guilhem Raimon, canon of Saint-Sernin
- Jacob de Odars Guilabert
- Johan de Cambalolhs
- Nepos de Davinia
- Peire de Drudas, canon of Saint-Sernin
- Peire de Rosengue
- Peire du Cabanial
- Peire Escuder
- Peire Marques
- Peitavin senior
- Pons de Avignonet, canon
- Pons de Fa
- Pons de Gameville
- Pons Pastre
- Raimon Calvet
- Raimon Carriger, sacristan of Saint-Etienne
- Raimon de Canel
- Raimon de Fauga, bishop of Toulouse
- Raimon de Puy
- Raimon de Suelh
- Raimon de Villeneuve
- Raimon Ferrier, chaplain of Sainte-Marie la Daurade
- Raimon Gaubert
- Raimon Saur
- Raimona Barrau
- Research in progress: bernart_chap_ladinhac
- Research in progress: bernart_de_gaus_not
- Research in progress: joan_de_saint-peire_op
- Research in progress: peire_aribert_not
- Research in progress: peire_fresapa_not
- Sylvestre, chaplain of Verfeil
- Ticborcs de Gameville
- Ugo de Canel
- Vidal Auriol, prior of Saint-Etienne
- Vidal de Salas
Documents in this collectionDocuments dans cette collection
Download this document asTélécharger le fichier de ce document au format:
Cet edition est mise à disposition selon les termes de la Licence Creative Commons Attribution - Pas d’Utilisation Commerciale - Partage dans les Mêmes Conditions 4.0 International.This edition is made available for use under the Creative Commons Attribution-NonCommercial-ShareAlike 4.0 International License.
