Confessio - Bernart Alzeu junior

Document Identifier: MS609-3753

How to cite: Jean-Paul Rehr, The Registry of the “Great Inquisition” at Toulouse, 1245-46: Edition of Toulouse, BM, ms. 609 (doc ID MS609-3753 ), https://medieval-inquisition.huma-num.fr/documents/MS609-3753, 2018-2023, accessed: 2024-03-18

Edition

Transcriptions:

Austin P. Evans, ed., “Interrogatoires subis par des hérétiques albigeois par-devant frère Bernard de Caux, inquisiteur, de 1245 à 1253 (draft typed transcription)”, 1935-40, Columbia University Library, Butler Library, BX4890 .B47 1255g, https://catalog.hathitrust.org/Record/008400500: 1158
Jean Duvernoy, “Le manuscrit 609 de la bibliothèque municipale de Toulouse”, http://jean.duvernoy.free.fr/text/listetexte.htm: 489

Status: Last revised 2023-08-20

Interpretive
Diplomatic

1 Anno quo supra II Ydus Julii.¹ Bernardus Alzeu, filius quondam Bernardi Alzeu, requisitus de veritate dicende de se et de aliis vivis et mortuis super crimine heresis et Valdesie, testis juratus dixit quod ante confessionem quam fecit de heresi fratri Willelmo Arnaldi et socio suo, olim inquisitori, vidit apud Sanctum Martinum in domo patris sui duos hereticos quorum nomina ignorat qui steterunt ibi per VIII dies et iacuerunt ibi et comederunt. Et vidit ibi cum eis B[ernardum] Alzeu, patrem ipsius testis; et Ramundum, fratrem ipsius testis; et Guiraudam, sororem ipsius testis; et Hisarnum de Gibel, qui adduxit ibi dictos hereticos. Et ibi ipse testis et dictus Hysarnus et dictus pater ipsius testim adoraverunt plures dictos hereticos quilibet pro se ter flexis genibus dicendo, “Benedicite boni homines, orate Deum pro me.” Set non vidit dictum Ramundum et Guirudam, sororem ipsius testis, adorare, set bene comedant quos dabat sibi heretici. Et ipse testis et dictus patrem ipsius testis comederunt pluries cum dictis hereticis in eadem mensa et de pane benedicto ab eis. Et sunt X anni vel circa.

2Item. Vidit apud Sanctum Martinum in domo Hysarni de Gibel quibus ipse testis portavit vel panem vel vinum de mandato patris sui, set nullum hominem vidit ibi cum dictis hereticis, nec adoravit eos. Et sunt IX anni vel circa.

3Item. Vidit alia vice in domo ipsius testis duos hereticos quorum nomina ignorat qui steterunt ibi per unum vel per duos dies, et iacuerunt et comederunt ibi. Et ipse testis et dictus pater ipsius testis adoraverunt dictos hereticos, set non vidit Ramundum, fratrem ipsius testis, et Geraldam, sororem ipsius testis, adorare quia pueri erant. Et venerunt ibi ad videndum dictos hereticos Poncius Mir, miles; et Mir Landa et Serdana, uxorem ejus; et Alazaicia, | f°188r | uxorem Poncii; et Ermessendem, uxorem B[ernardi] Arrezat. Set non adoravit nec vidit adorare eos dictos hereticos. Et sunt VIII anni vel circa.

4Item. Vidit apud Sanctum Martinum in domo Willelmi Faure de Porta Rotgerias hereticas quibus ipse testis portavit vinum de mandato patris sui et vidit ibi cum eis dictum Willelmum Faure. Set ipse testis non adoravit dictas hereticas quod recolat, nec vidit adorare. Et sunt VIII anni vel circa.

5Item. Vidit apud Sanctum Martinum in domo Hysarni de Gibel duos hereticos quorum nomina ignorat et vidit ibi cum eis Poncium Porquerii et plures alios de Sancto Martino quos non cognovit. Set ipse testis non adoravit dictos hereticos nec vidit adorare. Et sunt VII anni vel circa.²

6Item. Dixit quod cum ipse testis vellet videre patrem suum, hereticum, invenit apud Lauracum Petrum Faure de Casal Ranols a quo ipse testis quesivit si sciret ubi erat pater.^a Ipsius testis quo audito dictus Petrus Faure tradidit ipsi testis Ramundum Guiraudi de Sancto Stephano qui duxit ipsum testem in nemore del Quier ubi invenit dictum patrem suum, hereticum, in quadam cabana simul cum aliis hereticis, usque ad VIII hereticis. Et ibi ipse testis et dictus Ramundus Gairaudi adoraverunt dictos hereticos. Et dictus pater ipsius testis dedit ipsi testis XVIII denarios Tholosanorum. Et hoc fuit post dictam confessionem.

7Item. Dixit quod vidit apud Sanctum Martinum extra villam in plano Bernardi Willelmi Arnaldum Praderii et socium ^bsuum, hereticos. Et vidit cum eis Arnaldum Andree; Petrum Folc de Sancto Martino; Ramundum Aichardi de Gajano; et Arnaldum Macellarii de Lauraco. Et omnes et ipse testis adoraverunt dictos hereticos. Et dicti heretici dederunt ipsi testis III solidos quos misit ipse testis pater suus, hereticus. Et inde duxerunt et associaverunt dictos hereticos usque ad caminum et omnes et ipse testis in recessu adoraverunt dictos hereticos. Quo facto, recesserunt heretici et dicti Ramundi Aichardi et Arnaldi macellarii cum eis. Et hoc fuit post dictam confessionem.

8 Predictos hereticos credidit esse bonos homines et veraces et amico Dei et habere bonam fidem et posse salvari per ipsos licet sciret quod Ecclesia persequeretur eos. Et audivit hereticos predicantes quod deus non fecerat visibilia quod in baptismo et matrimonio non est salus quod hostia sacrata non erat corpus Christi et quod mortuorum corpora non resurgent. Set ipse testis non credidit predictis erroribus. Et sunt XIIII anni quod primo credidit esse bonos homines et stetit in illa credulitatem usque ad [confessionem] quam fecit fratri Ferrario quam concessit esse veram. Et postea non vidit hereticos. Et recognovit quod male fecit quia olim in judicio constitutus coram fratre Willlemo Arnaldi et socio suo, olim inquisitoribus, juravit et requisitus negavit quod non vidit nec adoravit hereticos nec aliquid fecit vel dixit cum eis. Item. Recognoscit quod male fecit quia postquam abjuravit heresim et iuravit persequi hereticos, vidit et adoravit hereticos et audivit predicationem eorum, duxit et associavit eos, et credidit eos esse bonos homines, comedit cum eis, et de pane benedicto ab eis. Hec deposuit apud Tholosam coram fratribus B[ernardo] et Johanne, inquisitoribus, et abjuravit heresum et juravit et cetera et obligavit se et sua ad parendum mandatis inquisitorum et concessit fieri publicum instrumentum. Testes: Arnaldus, prior Sancti Saturnini; F[ortius], capellanus Sancti Saturnini; Amelius, capellanus Sancti Stephani; et P[etrus] Ariberti, publicus notarius, qui hec scripsit.

^afoll. by pa exp.
^bprec. by soc del. ed.

¹ 1246-07-14.
² cf. MS609-0463-1, MS609-0467-1, MS609-0471-2, MS609-0472-1, MS609-0474-2, MS609-0486-1, MS609-0501-1, MS609-0585-1, MS609-0607-1 .

| §1 | | l°28 | Anno quo supra II Ydus Julii.¹ Bernardus Alzeu, filius quondam Bernardi Alzeu, requisitus de veritate dicende de se | l°29 | et de aliis vivis et mortuis super crimine heresis et Valdesie, testis juratus dixit quod ante confessionem quam fecit de heresi fratri Willelmo | l°30 | Arnaldi et socio suo, olim inquisitori, vidit apud Sanctum Martinum in domo patris sui duos hereticos quorum nomina ignorat qui steterunt | l°31 | ibi per VIII dies et iacuerunt ibi et comederunt. Et vidit ibi cum eis B[ernardum] Alzeu, patrem ipsius testis; et Ramundum, fratrem ipsius | l°32 | testis; et Guiraudam, sororem ipsius testis; et Hisarnum de Gibel, qui adduxit ibi dictos hereticos. Et ibi ipse testis et dictus Hysarnus | l°33 | et dictus pater ipsius testim adoraverunt plures dictos hereticos quilibet pro se ter flexis genibus dicendo, “Benedicite boni homines, orate | l°34 | Deum pro me.” Set non vidit dictum Ramundum et Guirudam, sororem ipsius testis, adorare, set bene comedant quos dabat sibi heretici. | l°35 | Et ipse testis et dictus patrem ipsius testis comederunt pluries cum dictis hereticis in eadem mensa et de pane benedicto ab eis. Et sunt | l°36 | X anni vel circa. | §2 | Item. Vidit apud Sanctum Martinum in domo Hysarni de Gibel quibus ipse testis portavit vel panem vel vinum | l°37 | de mandato patris sui, set nullum hominem vidit ibi cum dictis hereticis, nec adoravit eos. Et sunt IX anni vel circa. | §3 | Item. Vidit alia | l°38 | vice in domo ipsius testis duos hereticos quorum nomina ignorat qui steterunt ibi per unum vel per duos dies, et iacuerunt et comederunt ibi. Et | l°39 | ipse testis et dictus pater ipsius testis adoraverunt dictos hereticos, set non vidit Ramundum, fratrem ipsius testis, et Geraldam, sororem ipsius testis, adorare quia pueri | l°40 | erant. Et venerunt ibi ad videndum dictos hereticos Poncius Mir, miles; et Mir Landa et Serdana, uxorem ejus; et Alazaicia, | f°188r | | l°1 | uxorem Poncii; et Ermessendem, uxorem B[ernardi] Arrezat. Set non adoravit nec vidit adorare eos dictos hereticos. Et sunt VIII anni vel circa. | §4 | Item. | l°2 | Vidit apud Sanctum Martinum in domo Willelmi Faure de Porta Rotgerias hereticas quibus ipse testis portavit vinum de | l°3 | mandato patris sui et vidit ibi cum eis dictum Willelmum Faure. Set ipse testis non adoravit dictas hereticas quod recolat, nec vidit adorare. | l°4 | Et sunt VIII anni vel circa. | §5 | Item. Vidit apud Sanctum Martinum in domo Hysarni de Gibel duos hereticos quorum nomina ignorat | l°5 | et vidit ibi cum eis Poncium Porquerii et plures alios de Sancto Martino quos non cognovit. Set ipse testis non adoravit dictos hereticos nec | l°6 | vidit adorare. Et sunt VII anni vel circa.² | §6 | Item. Dixit quod cum ipse testis vellet videre patrem suum, hereticum, invenit apud Lau | l°7 | racum Petrum Faure de Casal Ranols a quo ipse testis quesivit si sciret ubi erat pater.^a Ipsius testis quo audito | l°8 | dictus Petrus Faure tradidit ipsi testis Ramundum Guiraudi de Sancto Stephano qui duxit ipsum testem in nemore del Quier | l°9 | ubi invenit dictum patrem suum, hereticum, in quadam cabana simul cum aliis hereticis, usque ad VIII hereticis. Et ibi ipse testis et | l°10 | dictus Ramundus Gairaudi adoraverunt dictos hereticos. Et dictus pater ipsius testis dedit ipsi testis XVIII denarios Tholosanorum. Et hoc fuit post | l°11 | dictam confessionem. | §7 | Item. Dixit quod vidit apud Sanctum Martinum extra villam in plano Bernardi Willelmi Arnaldum Praderii et socium | l°12 | ^bsuum, hereticos. Et vidit cum eis Arnaldum Andree; Petrum Folc de Sancto Martino; Ramundum Aichardi de Gajano; et Arnaldum | l°13 | Macellarii de Lauraco. Et omnes et ipse testis adoraverunt dictos hereticos. Et dicti heretici dederunt ipsi testis III solidos quos misit ipse testis | l°14 | pater suus, hereticus. Et inde duxerunt et associaverunt dictos hereticos usque ad caminum et omnes et ipse testis in recessu adoraverunt | l°15 | dictos hereticos. Quo facto, recesserunt heretici et dicti Ramundi Aichardi et Arnaldi macellarii cum eis. Et hoc fuit post dictam con | l°16 | fessionem. | §8 | Predictos hereticos credidit esse bonos homines et veraces et amico Dei et habere bonam fidem et posse salvari per ipsos | l°17 | licet sciret quod Ecclesia persequeretur eos. Et audivit hereticos predicantes quod deus non fecerat visibilia quod in baptismo | l°18 | et matrimonio non est salus quod hostia sacrata non erat corpus Christi et quod mortuorum corpora non resurgent. Set ipse | l°19 | testis non credidit predictis erroribus. Et sunt XIIII anni quod primo credidit esse bonos homines et stetit in illa credulitatem usque | l°20 | ad [confessionem] quam fecit fratri Ferrario quam concessit esse veram. Et postea non vidit hereticos. Et recognovit quod male fecit quia olim | l°21 | in judicio constitutus coram fratre Willlemo Arnaldi et socio suo, olim inquisitoribus, juravit et requisitus negavit quod non vidit nec | l°22 | adoravit hereticos nec aliquid fecit vel dixit cum eis. Item. Recognoscit quod male fecit quia postquam abjuravit heresim et iu | l°23 | ravit persequi hereticos, vidit et adoravit hereticos et audivit predicationem eorum, duxit et associavit eos, et credidit eos | l°24 | esse bonos homines, comedit cum eis, et de pane benedicto ab eis. Hec deposuit apud Tholosam coram fratribus B[ernardo] et Johanne, | l°25 | inquisitoribus, et abjuravit heresum et juravit et cetera et obligavit se et sua ad parendum mandatis inquisitorum et concessit fieri | l°26 | publicum instrumentum. Testes: Arnaldus, prior Sancti Saturnini; F[ortius], capellanus Sancti Saturnini; Amelius, capellanus Sancti Stephani; et P[etrus] Ariberti, publicus notarius, qui hec scripsit.