Compare Document Events

Item. Vidit in domo Arnaldi Ysarni duos hereticos quos non novit. Et vidit ibi Ysarnum de Gibel, qui duxit ibi dictos hereticos; et Arnaldum Ysarni; et Willelmam Ysarna; et Petrum Ysarn, filium dicte Willelme, qui infirmabatur ibi. Et tunc dicta testis audivit dici quod dicti heretici hereticaverunt dictum Petrum Ysarni, infirmum, set ipsa testis non interfuit nec adoravit nec vidit adorare nec aliquid dedit nec misit nec predicationem audivit. Et celavit veritatem de predictis fratri Ferrario, set postea dixit veritatem fratri Wîllelmo Arnaldi . Et abjuravit heresim et juravit et cetera. Testes: Arnaldus, prior Sancti Saturnini; Raimundus Ferriol, capellanus Sancti Juliani; et frater Bernardus, inquisitor.

Item. Dixit quod vidit duos hereticos in domosua sua quos non novit quos duxit ibi Hysarnus de Gibel ipse testis nolente. Et tunc dictos hereticos hereticaverunt Petrum Hysarni, nepotem ipsius testis, sicut ipse testis audivit dici ab Arnaldo Hysarni, patre suo, set ipse testis non vidit. Et quamcito ipse testis scivit dictos hereticos ibi expulit eos de domo. Set non audivit nec vidit adorare. Et sunt X anni vel circa.

Item. Anno et die quo supra. Petrus Ysarni testis juratus dixit quod dum ipse infirmaretur in domo Arnaldi Ysarni, avunculi sui, Ysarnus de Gibel duxit ibi duos hereticos et tunc ipse testis erat extra mentem suam. Et audivit dici ab Arnaldo Ysarni, avunculo suo quod dicti heretici hereticaverunt ipsum testem tunc. Set ipse non recolit de hereticis nec de dicta hereticatione. Et sunt XII anni vel circa. Alibi non vidit hereticos nec credidit nec adoravit nec aliquid dedit nec misit nec eorum predicationem audivit. Et abjuravit heresim et cetera.