Item. Anno et die quo supra. Peire de Comas senior testis iuratus dixit quod vidit duos hereticos quas non novit in domo Hysarni de Gibel . Et vidit ibi cum eis  Petrum Folcs; Poncium Porquer; et ipsum Zsarnum de Gibel et uxorem eiusdem Ysarni; Bernardum Alzeu; Bernardum Marti et Bernardum, filium eius. Sed non adoravit nec vidit adorare. Et sunt XII anni vel circa.

  Item. Anno et die quo supra. Petrus Folc testis iuratus dixit quod vidit in domo Ysarni de Gibel Bertrandum Martini et socium suum, hereticos. Et vidit ibi cum eis ipsum Ysarnum de Gibel; Raimundum de Lera; Petrum de Camis; Willelmum Forz; Iohannem Cabgas; et plures alios de quibus non recolit. Sed non adoravit nec vidit adorare. Et sunt XII anni vel circa.

Item. Dixit quod vidit in domo Ysarni de Gibel Bertrandum Marti et socium suum, hereticos. Et vidit ibi cum eis Willelmum Fort; Raimundum de Lera; Petrum Folcs; Iohannem Caligras; Willelmum Faure,  tesseire ; Poncium Porqueri; et plures alios de quibus non recolit. Et ipse testis et omnes alii adoraverunt ibi dictos hereticos et audierunt predicationem eorum. Et sunt XII anni vel circa.  

 Item. Anno et die quo supra. Willelmus Forz testis iuratus dixit quod vidit Bertrandum Marti et socium eius hereticos in domo Hysarni de Gibel . Et vidit ibi cum eis Willelmum de Gozencs; Petrum Folcs; Raimundum de Lera; et Johannem Cabigras. Et ipse testis et omnes alii adoraverunt ibi dictos hereticos flexis genibus ter  dicendo, “Benedicite boni homines, orate Deum pro nobis.” Et sunt XII anni vel circa.

Item. Vidit in domo Ysarni de Gibel duos hereticos nomina quorum ignorat. Et vidit ibi cum eis Willelmum Fors; Petrum Folcs; Poncium Porquer; Stephanum de Fendelha; et ipsum Ysarnum de Gibel et uxorem eius, que combusta fuit apud Tholosam . Et ipse testis et omnes alii adoraverunt ibi dictos hereticos. Et sunt X anni vel circa. Et dictus testis dedit dictis hereticis unam lagenam plenam vini.

 Item. Anno et die quo supra. Willelmus Fabri testis iuratus dixit quod vidit Bertrandum Marti et socium suum, hereticos, in domo Ysarni de Gibel .  Et vidit ibi cum eis Bernardum Marti; Poncium Porquer; Ysarnum de Gibel; Bernardum Alzeu; Bernardum Iorda; et Andrianam, uxorem dicti Ysarni de Gibel . Et ipse testis et omnes alii audiverunt predictos hereticos ibi et adoraverunt eos. Et sunt XI anni vel circa.

 Item. Anno et die quo supra. Iohannes Cabrigas testis iuratus dixit quod vidit Bertrandum Marti et socium suum, hereticos, in domo Ysarni de Gibel .  Et vidit ibi cum eis ipsum Ysarnum et Andruvam, uxorum dicti Ysarni ; Bernard Iorda; Bernardum Marti; Stephanum de Fendehla; Petrum  Folc. Et ipse testis et omnes alii audierunt predicationem eorum ibi et adoraverunt eos ter flexis genibus dicendo “Benedicite bonos homines orate Deum pro  nobis.” Et sunt XII anni vel cira.

  Item. Anno et die quo supra. Arnaldus Andrie testis iuratus dixit quod in domo Ysarni de Gibel vidit Bertrandum Martini et socium suum, hereticos. Et vidit ibi cum eis W. de Leza; et Petrum Folcs; et Poncium Porquerii; et Willelmum Fabri ;et Iohannem Cabagas; et Petrum de Camis; et Petrum Ghalhardi; et ipsum Ysarnum, dominum domus ; et Andriavam, uxorem ipsius Ysarni . Et omnes et ipse testis audiverunt  predicationem dictorum et adoraverunt eos. Et sunt VII anni vel circa.

  Anno quo supra Kalendas Decembris. Poncius Porquer testis iuratus dixit quod vidit apud Sanctum Martinum in domo Ysarni de Gibel Arnaldum de Prato  et socium suum, hereticos. Et vidit ibi cum eis Raimundum Leza; Willelmum Forc; Petrum Folc; Petrum de Camis; Stephanum de Fendelha; Willelmum Faure;   Iohannem de Cabrigas; Bernardum Martini Picos; Bernardum Alzeu; et dictum Ysarnum de Gibel et Andravam, uxorem eius ; et Willelmum  de Gozansc. Et omnes et ipse testis adoraverunt ibi dictos hereticos et audierunt predicationem eorum et pacem acceperunt ab eisdem. Et sunt XII anni vel circa.

Item. Vidit apud Sanctum Martinum in domo Hysarni de Gibel duos hereticos quorum nomina ignorat  et vidit ibi cum eis Poncium Porquerii et plures alios de Sancto Martino quos non cognovit. Sed ipse testis non adoravit dictos hereticos nec vidit adorare. Et sunt VII anni vel circa.