Item. Dixit quod vidit in domo Petri Fabri hereticos quos non novit. Et vidit ibi cum eis Fabrissam, matrem ipsius testis; et Wilhelmam Meta, matrem Bernardi de Quiders, sororem Willelmi del Mas ; et Guirandam, uxor Willelmi de Rocha Fort ; et Marquesiam uxor B. de Rocha fort ; et Aymengardam de Causser; et ipsum Petrum Fabri; et plures alios de quibus non recolit. Et ipsa testis et omnes alii adoraverunt ipsos dictos hereticos. Et sunt XX duo anni vel circa.

Item. Vidit in domo Petri Fabri, qui postea fuit factus hereticus, vidit Poncium Bolbena et socium eius, hereticos. Et vidit ibi cum eis Na Meta; Marquesiam de Rupeforti; et  Geraldam, uxorem Willelmi de Rocafort . Et omnes et ipsa testis adoraverunt ibi dictos hereticos excepta dicta Geralda de qua non recolit si adoravit. Et sunt XX anni vel circa.